Ay! Like!

Ay! Like!

            Promise, hindi na ito blind item….. hahaha… kung no’ng una, siya ang nag-describe sa akin, ngayon naman ako ang magde-describe sa kanya. Medyo mahirap pa rin kasi paano ko pa ilalarawan ang isang tao na LIKE na LIKE na ng lahat?

            Ano pa ang pwede kong sabihin tungkol kay MA. SOPHIA LOTEREÑA? Ano pang words ang pwedeng ipang-describe kay ATE PIE? Hmm…. Dami pa pero baka batukan ako sa susunod ‘pag sinabi ko…. (peace po tayo)… sumusubok lang kung pwedeng maging joker pero CORNY pa rin talaga si PAU. Maganda po lahat ng ilalagay ko rito para hindi siya magtampo. Baka kasi bawiin iyong mga sinabi niyang description sa akin (kahit hindi naman talaga totoo lahat ng iyon! Hahaha…)

            Mabalik lang tayo kay Ate Pie… well, si Ate Pie……….

   ----- Mabait! (Weh?)

   ----- Approachable! (Talaga?)

   ----- Friendly! (Di nga?)

   ----- Maganda! (Pssshhhh)

   ----- Cute! (Ows?)

   ----- Minsan tamad! (Ay! Like! Peace po…)

            Masama raw po kasing magsinungaling kaya iyan po ang nilagay ko. Mahirap na. Baka hindi po ako papasukin sa heaven kapag nagsinungaling ako. Hindi na rin kasi kailangang maraming paliwanag dahil ‘pag nakita mo siya, baka sabihin mo ring “Ay! Bet ko! Ay! Like!”

            Noong unang siyang nagpakilala sa amin, napansin ko lang… lagi siyang nakangiti at iyon ang nagbigay ng positive aura niya araw-araw. Natatandaan ko pa nga, nagpatawag siya agad ng ATE noon. Hindi na nag-deny kung ilang taon na siya. Haha… Siguro, ang nasa isip niya noon, “Eh, ano kung ganito na ang age ko, HINDI NAMAN HALATA!” Na kung titingnan natin siya ngayon, hindi naman talaga halata. Nadadala kasi ng ngiti niya. (Uy, lumalaki ang ulo…) No joke! I’m serious here, lagi mo naman talagang makikita na nakangiti siya. Siguro, makikita mo lang siyang medyo nakasimangot kung darating at kasalukuyan siyang may tuldok!

            Ewan ko lang kung bakit lagi niyang sinasabi na kailangan niyang mag-diet. Okay lang naman kasi ang katawan niya para sa akin. Natatawa na nga lang ako ‘pag binibiro siya na pumapayat nga, pero hindi kasama ang pisngi at ang mukha. Ayos nga lang kasi ang katawan niya. Maybe, innate na lang talaga sa babae na ma-conscious sa itsura ng katawan. Ewan ko ba naman, basta ako walang problema do’n. (OK! ‘Wag ng isingit ang sarili!)

Ang kakulitan nitong si Sophia

Noon at ngayon, kaylaki ng ipinagkaiba

Lahat ng sabihin ay talagang nakakatawa

Di ko masabi kung saan nahawa.

Sa hagikgik ng parang bata

Isama pa ang linyang “Wizz! Uba-uba!”

Tiyak sa kanyang mga kasama ay bebenta

Kasabay pang sasabihin na “Okay, beb! Gora na!”

For sure, tawa ay di kayang pigilin

Di rin matitiis na siya ay di tanungin

‘Pag nakita at nakasama mo siyang kumain

Ang isang butil na kanin, pilit pa rin niyang tatanggalin.

            Ooppss… Wait lang po! Hindi pa po ako tapos. Kailangan ko pang ipagtanggol ang sarili ko dahil sinabi ko rin na medyo tamad din siya minsan. MINSAN lang naman. Ang hirap talagang magsinungaling (Hahaha…). Hindi na rin kasi mawawala sa isang tao ang katamaran. AKO man ay TAMAD din. (Hayan po, ah, sinabi kong tamad din ako para pareho lang tayo… haha…) Gano’n talaga ang tao, may negative side din.

But hey! Kung siya’y tamad minsan

Sa dami ng followers at fans, di kayo uurungan

Dahil sa videos at sayaw niyang Gentleman

Likes niya’y 65,000+ lang naman.

Siguro’y wala na akong dapat pang sabihin

Si Ate Pie na lang ay unawain at kilalanin

At kapag siya’y inyong naging kaibigan

For sure, wala rin kayong panghihinyangan.

P.S.

            Maraming salamat sa nagpauso ng ganitong technique sa pagsusulat ng blog. Mas madali nga siyang matapos. Aminado akong nanggaya ko pero masaya pala.

Kung ang technique ay ginaya ko man

Mga sinabi ko nama’y walang kasinungalingan

Kung patula ko man siya idinaan

Wala lang akong maisip na ibang paraan.

Sa mga makakabasa nito, sana’y pagpasensyahan

Kahit paano naman po ito pa rin ay aking pinaghirapan

Nagkataon lang na ang utak ay wala sa katinuan

At marahil, sinumpong lang po ng KATAMARAN.